काठमाडौं । गोरखाबाट ‘ठगी’ गरेर भागेका ध्रुबबाबु जोशी क्रिचियनका पाष्टर ललितपुरको चर्चबाट पक्राउ परेका छन् । जवरजस्ती करणी अभियोगमा पक्राउ परेका जोशी गोरखबाट पाँच वर्षदेखि सम्पर्कविहीन भएका हुन् ।
महानगरीय प्रहरी परिसर ललितपुरका अनुसार गोरखा बजारका स्थायी बासिन्दा जोशी पहिले तत्कालीन नेपाल कम्युनिष्ट पार्टी माओवादीको राजनीतिक संरक्षणमा महेन्द्रज्योति माध्यामिक विद्यालय व्यवस्थापन समितिमा अध्यक्ष थिए। २०६९ सालमा विद्यालयमा शौचालय निर्माण गर्न लिएको पेश्की रकम उनले अझै फिर्ता गरेका छैनन्।
विद्यालयका प्रधानाध्यापक भाइकाजी श्रेष्ठका अनुसार जोशीले शौचालय निर्माण गर्न दुई लाख चार हजार रूपैयाँ पेश्की लगे तर शौचालय बनाएका थिएनन् ।
विद्यालयछेउ गोरखा नगरपालिका वडा नम्बर ६ छहरे घर भएका जोशीमाथि यसअघि आफ्नै सालीमाथि यौन दुराचारको पनि आरोप लागेको थियो। जोशीले पार्टी प्यालेससहित रेष्टुरेन्ट चलाइरहेको घरमा झुण्डिएर सालीले आत्महत्या गरेकी थिइन्।
पुस २७ गते एक महिलाले आफूमाथि पटकपटक पास्टर जोशीले जवरजस्ती करणी गरेको आरोपमा जाहेरी दिएपछि भोलिपल्ट जोशी पक्राउ परे।
