काठमाडौँ । राष्ट्रिय सभा सदस्य निर्वाचनमा नेपाली कांग्रेस, नेकपा (एमाले) जसपा गठनबन्धनका १८ उम्मेदवार विजयी भएका छन् ।
निर्वाचन आयोगका अनुसार कोशी प्रदेशबाट एमालेका सोमनाथ पोर्तेल र रोशनी मेचे निर्वाचित हुनु भएको छ । अन्य समूहतर्फ नेपाली कांग्रेसका सुनिल थापा यसअघि नै निर्विरोध निर्वाचित भइसक्नुभएको थियो ।
मधेश प्रदेशमा चार लोकतान्त्रिक समाजवादी पार्टी नेपालका अध्यक्ष एवम् जसपा नेपालका संरक्षक महन्थ ठाकुर, महिलातर्फ एमालेका रेखा झा, दलिततर्फ नेपाली कांग्रेसका धमेन्द्र पासवान र अपाङ्ग भएका व्यक्तिरअल्पसंख्यक समुहतर्फ नेपाली कांग्रेसका रंजित कर्ण विजयी हुनुभएको छ ।
बागमती प्रदेशबाट महिलातर्फ कांग्रेसकी गीता देवकोटा र अन्य समूहबाट एमालेका प्रेमप्रसाद दंगाल निर्वाचित हुनुभएको छ।
लुम्बिनी प्रदेशबाट महिलातर्फ एमालेकी रामकुमारी झाँक्री र अन्यतर्फ कांग्रेसका चन्द्रबहादुर केसी र अपाङ्गरअल्पसङ्ख्यक कोटामा बासुदेव घिमिरे विजयी हुनुभएको छ।
गण्डकी प्रदेशबाट नेपाली कांग्रेसका उम्मेदवार जगत तिमिल्सिना र एमाले की उम्मेदवार सम्झना देवकोटा निर्वाचित हुनुभएको छ।
कर्णाली प्रदेशमा नेपाली कांग्रेसका उम्मेदवार ललितजंग शाही र नेकपा (एमाले) का उम्मेदवार मिनासिंह रखाल विजयी हुनुभएको छ। सुदूरपश्चिम प्रदेशबाट नेकपा ९एमाले०का लीला भण्डारी र नेपाली कांग्रेसका खम्मबहादुर खाती निर्वाचित हुनुभएको छ।
तस्बिर : रञ्जिता अधिकारी/रासस
