काठमाडौं । चौथो अन्तर्राष्ट्रिय कराते प्रतियोगितामा सहभागी हुन ६ खेलाडीसहित ७ सदस्यीय नेपाली टोली शुक्रबार भारतको विषाखापट्नम जाँदै छ ।
जनवरी ३१ देखि फेब्रुअरी २ तारिखसम्म हुने प्रतियोगितामा पुरुषोत्तम पोखरेल, नानुमाया राई, लक्ष्मी तामाङ, जेशिका खत्री, भक्तबहादुर थापा मगर र टासी छिरिङ लामाले नेपालको चुनौती प्रस्तुत गर्ने छन् ।
प्रमुख प्रशिक्षकमा नेपाल वादोरियो कराते डो संघका अध्यक्ष समेत रहेका नेपाल कराते महासंघका महासचिव हरिशरण केसी रहेका छन् । टोलीलाई सफलताको शुभकामना दिदै राष्ट्रिय खेलकुद परिषद्का सदस्य–सचिव रमेशकुमार सिलवालले बुधबार एक कार्यक्रमबीच बिदाइ गरे ।
भ्याली पब्लिकले सातौं एन्जल्स हर्ट कप अन्तरविद्यालय छात्र बास्केटबल प्रतियोगितामा बुधबार सफलता पाएको छ ।
यस्तै भ्याली पब्लिकले नेपाल मोडेललाई २५–२३ ले पराजित ग¥यो । ओडिसी इन्टरनेसनल एकेडेमीले दोहोरो जित हात पा¥यो । ओडिसीले हार्टल्यान्डलाई २५–२० तथा फ्लोरोसेन्टलाई २१–१५ ले हरायो ।
अन्य प्रतिस्पर्धामा आयोजक एन्जल्स हर्ट ‘ए’ ले इबीएलाई ३०–२०, नेसनल युनाइटेडले ग्रिनल्यान्डलाई ३५–३०, फ्लोरोसेन्टले नवोदितलाई २०–१५ र बीएनएले आयोजक एन्जल्स हर्ट ‘बी’ लाई २०–१८ ले पाखा लगाए ।
