फ्रेन्च कप फुटबलको क्वाटरफाइनलमा पेरिस सेन्ट जर्मेन (पीएसजी) प्रवेश पाएको छ । बुधबार राति भएको अन्तिम १६ को खेलमा पीएसजीले पाउलाई २–० गोल अन्तरले हराएर क्वाटरफाइनलको सिट पक्का गरेको हो ।
तेस्रो डिभिजन क्लब पाउको मैदानमा भएको खेलमा पीएसजीलाई जित दिलाउन लिन्ड्रो द्यानीयल पारेडेस र पाब्लो साराबियाले एक एक गोल गरेका थिए । खेलको २५ औं मिनेटमा द्यानीयलको गोलबाट पीएसजीले अग्रता बनाएको थियो । त्यसपछि खेलको ५३ औं मिनेटमा साराबियाले गोल गर्दै पीएसजीलाई २–० को जित दिलाए ।
