काठमाडौं: नेकपा एमालेका अध्यक्ष केपी शर्मा ओली झापा ५ बाट उम्मेद्वारी मनोनयनका लागि आज झापा पुग्नु भएको छ । जेनजी आन्दोलन पछि ओली पहिलो पटक उपत्यका बाहिर जानु भएको हो ।
पार्टी केन्द्रीय सदस्य तुलसी कार्कीका अनुसार अध्यक्ष ओलीले भद्रपुरमै क्षेत्र नं १ का नेता कार्यकर्तासँग केहीबेर क्ष्ँेत्रको पछिल्लो अवस्थाका बारेमा जानकारी लिनुहुनेछ । यसैगरी ३ नं क्षेत्रका बारेमा पनि उहाँले भद्रपुरमै जानकारी लिने कार्कीले बताउनुभयो ।
क्षेत्र नं २ का बारेमा अध्यक्ष ओलीले विर्तामोडमा जानकारी लिने कार्यक्रम छ । क्षेत्र नं ४ को निर्वाचन तयारीका सन्दर्भमा सुरुंगामा जानकारी लिनुहुनेछ । आफ्नो निर्वाचन क्षेत्र दमक ५ का नेता कार्यकर्तासँग दमक मै भेटघाट गर्ने कार्कीले जानकारी दिनुभयो ।
अध्यक्ष ओलीले जेन जी विध्वंसका बेला जलाइएको आफ्नो दमक स्थित निवासमा पनि जाने तयारी रहेको एमालेले जनाएको छ ।
ओलीलाई चुनौती दिन राष्ट्रिय स्वतन्त्र पार्टीका वरिष्ठ नेता बालेन्द्र साह पनि सोमबार नै झापा पुग्दैछन् ।
