काठमाडौं : नेपाल अपाङ्ग संघ- नेपाल अर्थोपेडिक अस्पतालमा डा. मुक्तिनाथ तिमल्सिना मेडिकल डाइरेक्टरको रूपमा नियुक्ति हुनुभएको छ ।
अस्पतालमा आयोजित एक समारोहमा निवर्तमान मेडिकल डाइरेक्टर डा कैलाश कुमार भण्डारीलाई बिदाइ गरिएको थियो । त्यस अवसरमा डा भण्डारीले आफ्नो कार्यकालमा अस्पतालको उन्नतिमा पुऱ्याउनु भएको योगदानका लागि आभार व्यक्त गरिएको अस्पतालले जनाएको छ ।
अस्पताल संचालक समितिका नवनियुक्त अध्यक्ष यज्ञ प्रसाद उप्रेती र डिपुटी डाइरेक्टर डा प्रकाश ज्ञवालीलाई पनि हार्दिक बधाई तथा सफल कार्यकालको शुभकामना व्यक्त गरिएको थियो ।
अस्पतालले भनेको छ, यहाँहरूको अनुभव, दक्षता र नेतृत्वले अस्पतालको तथा हाडजोर्नीका विरामी तथा अपाङ्गता क्षेत्रको सेवामा अझ प्रभावकारी, गुणस्तरीय र मानवमुखी योगदान पुग्ने अपेक्षा सहित सफल कार्यकालको शुभकामना व्यक्त गर्दछौ ।
