काठमाडौँ । नेपाली कांग्रेसबाट निष्कासनमा परेका महामन्त्री गगनकुमार थापाले पार्टीलाई एकढिक्का राख्न विभिन्न प्रयास गरेपनि सफल नभएको बताएका छन्।
संस्थापन पक्षको कारबाहीको केही घण्टापछि भृकुटीमण्डपस्थित विशेष महाधिवेशन हलमा सम्बोधन गर्दै थापाले आफूले विकसित राजनीतिक घटनाक्रमबारे नेतृत्वलाई बुझाउन नसकेको गुनासो व्यक्त गरेका हुन्।
थापाले भने, “मैले नेतृत्वलाई बुझाउन सकिनँ। आज बिहानमात्रै सभापति शेरबहादुर देउवासँग छलफल गरेको र विशेष महाधिवेशनबारे बुझाउन खोजेँ, तर सफल हुन सकेन।”
उनले महाधिवेशनको वैधतालामा जोड दिँदै बताए, “२ हजार ४८८ जना महाधिवेशन प्रतिनिधिले आफ्नो हक प्रयोग गरेर विशेष महाधिवेशन आयोजना गरेको हो। म यहाँ पाहुना भएर आइसकेपछि र महामन्त्रीको हैसियतले पहल गर्नुपर्ने जति गर्नु स्वाभाविक हो। तर बाहिर जेजस्तो समझदारी भएपनि हलमा आउनैपर्छ।”
थापाले विशेष महाधिवेशनपछि कांग्रेस बदलिएको कुरा सभापति देउवालाई बुझाउने प्रयास गरेपनि सुनुवाइ नभएको पनि बताए।
