सुर्खेत । सामुदायिक विकास केन्द्र नेपाल (सीडीसीएन) र सहयोगी ओङ्छु शेर्पाको सहयोगमा ५० जना विद्यार्थीलाई ज्याकेट र विद्यालय झोला वितरण गरिएको छ ।
श्री नेपाल राष्ट्रिय आधारभूत विद्यालय, चादनिचौकी, वीरेन्द्रनगर नगरपालिका–९, सुर्खेतमा अध्ययनरत ५० जना विद्यार्थीलाई ज्याकेट र विद्यालय झोला वितरण गरिएको सीडीसीएनका अध्यक्ष राधा मताङ्गीले जानकारी दिनुभयो ।
मताङ्गीलेले भन्नुभयो “चिसो मौसम लक्षित कार्यक्रम अन्तर्गत आर्थिक रूपमा कमजोर परिवारका ५० जना विद्यार्थीलाई ज्याकेट र विद्यालय झोला वितरण गरेका छौ ।”
वितरण मताङ्गी तथा कोषाध्यक्ष रेशम नेपालीले आगामी दिनहरूमा पनि यस्ता सहयोगात्मक कार्यक्रमलाई निरन्तरता दिने प्रतिबद्धता व्यक्त गर्नुभयो। कार्यक्रममा वीरेन्द्रनगर नगरपालिका–९ का वडा अध्यक्ष ऋषि गिरी तथा विद्यालयका पूर्व प्रधानाध्यापक निम बहादुर शाहको समेत उपस्थिति रहेको थियो।
सामुदायिक विकास केन्द्र नेपालले कार्यक्रम सफल बनाउन सहयोग पुर्याउने सम्पूर्ण महानुभाव तथा सहयोगीहरूप्रति हार्दिक धन्यवाद व्यक्त गरेको छ।
साथै, कार्यक्रम सफलतापूर्वक सञ्चालन गर्न महत्वपूर्ण भूमिका निर्वाह गर्नुहुने विद्यालयका कार्यवाहक प्रधानाध्यापक हरि बहादुर बुढा र पुर्व प्रधानाध्यापक निम बहादुर शाह प्रति विशेष कृतज्ञता व्यक्त गरिएको छ।
