काठमाडौं । नेपाली कांग्रेसका सभापति शेरबहादुर देउवाले महामन्त्रीद्वय गगन थापा र विश्वप्रकाश शर्मासँग आजै छलफल गर्ने भएका छन्।
देउवा निवासमा बसेको संस्थापन पक्षको बैठकपछि सञ्चारकर्मीहरूसँग कुरा गर्दै पार्टी प्रचार विभाग प्रमुख मीन विश्वकर्माले सभापति देउवा, कार्यवाहक सभापति पूर्णबहादुर खड्का सहित शीर्ष नेताहरूले महामन्त्रीद्वयसँग संवाद गर्ने जानकारी दिए।
उनका अनुसार महामन्त्रीद्वयसँग छलफल गर्न सभापति देउवा तयार भइसकेका छन् र आजै वार्ता हुने तयारी छ। पार्टीभित्र देखिएको असहमति समाधान गर्दै एकता कायम राख्न दुवै पक्ष लचिलो रहेको विश्वकर्माले बताए।
