काठमाडौँ । नेकपा एमालेका अध्यक्ष तथा पूर्वप्रधानमन्त्री केपी शर्मा ओली र राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनबीच आज साँझ भेटवार्ता भएको छ।
ओली निवास गुण्डु, भक्तपुरमा सम्पन्न उक्त भेटमा समसामयिक राजनीतिक परिस्थितिबारे छलफल भएको प्रवक्ता मोहन श्रेष्ठले जानकारी दिनुभयो ।
पुस २७ गते पृथ्वी जयन्तीको अवसरमा राप्रपाद्वारा आयोजना गरिने चियापान कार्यक्रममा अध्यक्ष ओलीलाई निम्तो दिन लिङ्देन गुण्डु जानु भएको थियो ।
