काठमाडौँ । नेपाली कांग्रेसका सभापति तथा पूर्वप्रधानमन्त्री शेरबहादुर देउवा र राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देनबीच भेटवार्ता भएको छ।
पृथ्वी जयन्तीको अवसरमा राप्रपाले आयोजना गर्न लागेको चियापान कार्यक्रममा निम्तो दिन अध्यक्ष लिङ्देन देउवा निवास पुगेका थिए।
राप्रपाका प्रवक्ता मोहनकुमार श्रेष्ठका अनुसार उक्त भेटका क्रममा दुवै पार्टीका अध्यक्षहरूबीच आसन्न प्रतिनिधिसभा निर्वाचन तथा समसामयिक राजनीतिक विषयहरूमा छलफल भएको छ।
भेटवार्ता सौहार्दपूर्ण वातावरणमा सम्पन्न भएको र आगामी राजनीतिक घटनाक्रमबारे आपसी धारणा आदान–प्रदान गरिएको बताइएको छ।
