काठमाडौं । नेकपा एमालेले राष्ट्रियसभा निर्वाचनमा ७ वटा सिटमा दाबी गरेको छ ।
सोमबार बसेको पार्टीको सचिवालय बैठकमा चुनावी तालमेल गर्दा प्रत्येक प्रदेशमा एक जना रहनेगरी ७ वटा सिटमा आफूहरूले दाबी गर्ने निर्णय भएको उपमहासचिव लेखराज भट्टले जानकारी दिए ।
अहिलेसम्म कुनै उम्मेदवारको टुंगो नलागेको र उम्मेदवारको टुंगो लगाउने जिम्मा अध्यक्ष केपी शर्मा ओलीलाई दिइएको उनले बताए ।
माघ ११ गते हुने राष्ट्रिय सभा निर्वाचनमा एमालेले कांग्रेस र नेपाली कम्युनिस्ट पार्टीसँग गठबन्धन गर्न सहमत भइसकेको छ ।
