काठमाडौँ; नेपाली कांग्रेसका नेता कृष्णप्रसाद सिटौलाले नेपाली कांग्रेसले आसन्न राष्ट्रिय सभाको निर्वाचनमा अन्य दलहरूसँग तालमेल गरेर चुनावमा जाने बताएका छन् ।
राष्ट्रिय सभामा गरिने गठबन्धनबारे कांग्रेस सभापति शेरबहादुर देउवाले परामर्श गरिरहेको जानकारी दिँदै नेता सिटौलाले सम्भवत एमालेसँग नै गठबन्धन गरेर जाने गरी छफलहरु भइरहेको खुलासा गरे ।
आइतबार मात्र पनि कार्यवाहक सभापति पूर्णबहादुर खड्काले आफूलाई यसबारेमा जानकारी गराएको पनि उनेले बताए । उनले यस विषयमा आज केन्द्रीय कार्यसम्पादन समिति बैठकमा छलफल गरेर निष्कर्षमा पुगिने पनि बताए ।
राष्ट्रिय सभा निर्वाचन माघ ११ गते हुँदैछ । त्यसका लागि उम्मेदबार छनौटको अन्तिम चरणमा काम भइरहेको दलहरुले बताएका छन् ।
आज बिहान काठमाडौँमा पत्रकारहरूसँगको कुराकानीमा नेता सिटौलाले तर पार्टीले प्रतिनिधिसभाको निर्वाचनमा भने गठबन्धन नगर्ने पनि स्पष्ट पारे ।
उनले भने– अहिले मिडियामा के के समाचार आइरहेका छन् । कहिले कांग्रेस एमाले त कहिले माओवादीसँग कांग्रेसले गठबन्धन गर्छ भनेका छन् । तर मलाई लाग्छ, प्रतिनिधिसभामा कांग्रेस एक्लै जान्छ, कसैसँग पनि गठबन्धन गर्दैन ।
सिटौलाले थपे –‘प्रतिनिधिसभा चुनाव चाहिँ हामी एक्लै लड्ने हो । यसमा कुनै शंका नगरे हुन्छ ।
