काठमाडौं: डा. निकोलस भुसाल र हरिश विष्टसँग सरकारबीच ६ बुँदे सहमति भएपछि उनीहरूले ११ औँ दिनमा जारी अनसन तोडेका छन्।
बालुवाटारमा आयोजित कार्यक्रममा प्रधानमन्त्री सुशीला कार्कीले दुवै जनालाई जुस खुवाउँदै अनसन औपचारिक रूपमा तोड्नुभएको हो।
सहमति पत्रमा डा. भुसाल र विष्टका साथै सरकारका तर्फबाट प्रधानमन्त्रीका मुख्य सल्लाहकार अजयभद्र खनालले हस्ताक्षर गर्नुभएको छ। सहमतिमा उठाइएका मागहरूलाई चरणबद्ध रूपमा कार्यान्वयन गर्ने प्रतिबद्धता सरकारको रहेको जनाइएको छ।
प्रधानमन्त्री कार्कीले वार्ताबाट समस्याको समाधान भएको भन्दै संवाद र सहमतिमार्फत लोकतान्त्रिक ढंगले विषय टुंग्याइएको उल्लेख गर्नुभयो।
तस्बिरः सरोज नेपाल
