काठमाडौं । पूर्वराष्ट्रपति विद्यादेवी भण्डारीले भदौ २४ गते भएको जेनजी आन्दोलनमा जलेको सर्वोच्च अदालतको भवनको अवलोकन गर्नुभएको छ ।
शुक्रबार मध्याह्न पूर्वराष्ट्रपति भण्डारी सर्वोच्च अदालत पुग्नु भएको थियो । करिब डेढ घण्टा सर्वोच्च अदालतमा बिताउनु भएकी भण्डारीले प्रधानन्यायाधीश प्रकाशमानसिंह राउत सहित न्यायाधीशहरूसँग कुराकानी गर्नुभएको थियो ।
पूर्वराष्ट्रपति भण्डारीलाई मुख्य रजिस्ट्रार बिमल पौडेलले सर्वोच्च अदालतको अवलोकन गराउनुका साथै जेनजी आन्दोलनमा भएको क्षतिका विषयमा जानकारी गराउनु भएको थियो ।
अवलोकनपछि पूर्वराष्ट्रपति भण्डारीले भन्नुभयो ‘न्यायको मूर्ति भएको ठाउँ, ऐतिहासिक धरोहर जलेकोमा एकदमै दु:ख लागेको छ । ‘सर्वोच्च, सिंहदरबार र संसद् भवन ऐतिहासिक र महत्त्वपूर्ण ठाउँ हुन्। सर्वोच्च सामान्य नागरिकले न्यायका लागि ढोका ढकढाउने ठाउँ हो। सरकारले पुनर्निर्माण ध्यान देओस्।’
