पोखरा । राष्ट्रिय स्वतन्त्र पार्टी (रास्वपा)का सभापति रवि लामिछाने पोखरा आइपुगेका छन्।
पोखराको सूर्यदर्शन सहकारी ठगी प्रकरणमा तारिख बुझ्न उनी पोखरा आएका हुन् । जिल्ला अदालत कास्कीमा तारिखका लागि उपस्थित हुन पोखरा आएका रवि सूर्यदर्शन सहकारी ठगी प्रकरणमा यसअघि धरौटीमा रिहा भएका थिए।
सूर्यदर्शनको मुद्दामा अन्य प्रतिवादीहरूको पनि म्याद मिलाउनका लागि रवि अदालतमा तारिखका निम्ति उपस्थित भएका हुन्।
सूर्यदर्शन सहकारी ठगी प्रकरणमा रवि २०८१ कात्तिक २ गते काठमाडौंबाट पक्राउ परेका थिए। त्यसपछि पुस २५ गते जिल्ला अदालत कास्कीले ६५ लाख रुपैयाँ धरौटीमा उनलाई रिहा गर्न आदेश दिएको थियो।
