काठमाडौं । प्रधानमन्त्री केपि शर्मा ओलीले निवर्तमान उपसभामुख शिवमाया तुम्बाहाङ्फे दिएको बचन पुरा गरेका छन् । प्रधानमन्त्री ओलीले निवर्तमान उपसभामुख तुम्बाहाङ्फेलाई कानूनमन्त्रीको जिम्मेवारी दिएका हुन् ।
तुम्बाहाङ्फेले आजै दिउँसो साढे ३ बजे राष्ट्रपतिसमक्ष कानून, न्याय तथा संसदीय मामिला मन्त्रीको शपथ लिँदैछिन् ।
उपेन्द्र यादवको वहिर्गमनपछि रिक्त रहेको कानून मन्त्रालयको जिम्मेवारी स्वास्थ्य मन्त्री भानुभक्त ढकालले सम्हाल्दै आएका छन् ।
समाजवादी पार्टीले सरकार छाडेपछि कानून मन्त्रालयसँगै सहरी विकास मन्त्रालय पनि खाली छ । कानून मन्त्रालय पूर्वएमालेले पाएको छ ।
