रसुवा । जिलोंग पोर्टमा आएको बाढीका कारण क्षतिग्रस्त आवागमन व्यवस्थापनका लागि निर्माण गरिएको अस्थायी पुलको काम सम्पन्न भएको छ।
पुल निर्माण सम्पन्न भएसँगै आज डिसेम्बर २८ देखि यात्रु तथा मालवाहक सवारी साधनहरूको आवागमन पुनः सञ्चालन हुने भएको छ।
यसैगरी, जनवरी १, २०२६ देखि एकतर्फी पालैपालो (One-way alternating) प्रणालीमार्फत सवारी आवागमन सञ्चालन गरिने जानकारी दिइएको छ।
तोकिएको समयतालिका अनुसार मात्र सवारी आवागमन हुने भएकाले सम्बन्धित यात्रु, व्यवसायी तथा सरोकारवाला सबैलाई समयमै आवश्यक तयारी गर्न सम्बन्धित निकायले अनुरोध गरेको छ।
