काठमाडौं । राष्ट्रिय स्वतन्त्र पार्टी (रास्वपा) सभापति रवि लामिछानेले सहमति नेताले खोजेजस्तो नभई देशलाई चाहिएजस्तो हुनुपर्ने बताउनु भएको छ ।
काठमाडौं महानगरपालिकाका प्रमुख बालेन शाहसँग सात बुँदे सम्झौता गरेपछि सभापति लामिछानेले सामाजिक संञ्जालमार्फत् यस्तो प्रतिक्रिया जनाउनु भएको हो ।
प्रमुख शाहले सामाजिक सञ्जालमार्फत सहमतिमा हस्ताक्षर गर्दै गरेको तस्बिर सार्वजनिक गर्दै शुभप्रभात लेख्नुभएको छ ।
यसैगरी रास्वपा डोलप्रसाद अर्याल (डिपी) अर्यालले जनताको आशा र चाहना बमोजिम २ नेता १ साथमा अब रास्वपामा भएको प्रतिक्रिया दिनुभएको छ ।
यसैगरी अर्का उपसभापति डा.स्वर्णिम वाग्लेले बालेन्द्र शाह अब रास्वपा नेता हुनु भएको जनाउनु भएको छ ।
आज बिहान ४: १५ मा राष्ट्रिय स्वतन्त्र पार्टीका सभापति रवि लामिछाने र काठमाडौँ महानगरपालिकाका प्रमुख बालेन शाहबीच बृहत् एकता सम्बन्धी सहमति भएको थियो ।
