काठमाडौं । चर्चित लोकदोहोरी गायक दिपसागर थापा मगरको नयाँ कौडा गीत फुल जस्तै जोबान बजारमा आएको छ । गीतमा एरेन्ज आशु लामाको रहेकोछ भने, निर्देशन दिप गुरुङ्गको रहेको छ । गीतमा कृष्ण सिंजाली, शोभा थापा र कुसुम गुरुङ्गको निकै राम्रो अभिनय रहेको छ । गुरुङ, मगर र दरै जातिको मौलिक नृत्य हो कौडा । विशेष गरेर गण्डक क्षेत्रको तनहुँ, गोरखा, लमजुङ जिल्लाहरु कौडाको खानिको रुपमा लिइन्छ ।
उसोत चितवनको उत्तरि भु–भागलाई पनि कौडाको खानिको रुपमा लिइन्छ । गायक थापा लामो समयदेखि नेपाली साङ्गीतिक क्षेत्रमा व्यस्त र चर्चित अनुहार हुन् । गायक थापाले यस अघि पनि दर्जनौ गितहरु बजारमा ल्याइसकेका छन् ।
उनको गीतमा मौलिकतालाई प्रथामिकता दिने गर्दछ । दिपसागर थापा मगरकै शब्द र सङ्गीत रहेको गितमा गायीका प्रिति गुरुङ्गले पनि आवाजमा साथ दिएकी छिन् । गायक थापा पछिल्लो समय युवा पुस्ता माझ निकैनै लोकप्रिय र रुचायका लोकदोहोरी गायक समेत हुन् ।
