काठमाडौँ । नेपाल प्रीमियर लिग (एनपीएल) अन्तरगत आजको दोस्रो खेलमा विराटनगर किङ्सले जित निकालेको छ ।
भर्खरै सम्पन्न खेलमा विराटनगरले कर्णाली याक्सलाई ३ विकेटले हराएको हो ।
१६१ रनको लक्ष्य विराटनगरले १९.५ ओभरमा ७ विकेट गुमाएर भेट्टायो ।
उसका लागि बसिर अहमदले अर्दशतकीय इनिङ्स खेले । उनले अविजित ६२ रनको योगदान दिए । यस्तै नारायण जोशीले २५, शाहिल पटेलले १९, साम हिजलेटले १६ रन जोडे ।
वलिङतर्फ कर्णालीका गुलशन झा र सोमपाल कामीले दुई दुई विकेट लिए भने विलियम बोसिस्टो, पवन सर्राफ र नन्दन यादवले एक एक विकेट लिए ।
त्यसअघि टस जितेर ब्याटिङमा उत्रिएको कर्णालीले २० ओभरमा ३ विकेटको क्षतिमा १६० रन जोड्यो ।
उसका लागि प्रीयाङ्क पान्चालले अर्धशतकीय इनिङ्स खेले । ४७ बल खेलेका उनले ६ चौका र २ छक्काको मद्दतमा ६३ रनको योगदान दिए । यस्तै, विलियम बोसीस्टोले ४८, गुलशन झाले २० तथा नजिबुल्लाह जाद्रानले १२ रन जोडे ।
वलिङतर्फ विराटनगरका मर्चन्ट डे लाङ्ग र सन्दीप लामिछानेले एक एक विकेट लिए ।
