एजेन्सी । धर्मेन्द्रको निधन भएको ३ दिनपछि पत्नी हेमा मालिनीले उनको लागि धेरै भावुक पोस्टहरू सेयर गरेकी छन्।
उनले भनेकी छन् कि धर्मेन्द्र उनका लागि सबै थोक थिए र उनी जानुबाट सिर्जना भएको खालीपन जीवनभर रहनेछ।
हेमा मालिनीले धर्मेन्द्रसँगको तस्बिर सेयर गर्दै भावुक भएर लेखेकी छन्–
“धरमजी।
उनी मेरा लागि धेरै धेरै कुरा थिए—एक माया गर्ने पति, हाम्रा दुई छोरी ईशा र अहानाका स्नेही पिता, एक मित्र, दार्शनिक, मार्गदर्शक, कवि, र आवश्यक परेका हरेक बेला मेरा ‘गो–टु’ मानिस।
साँचै भन्नुपर्दा, उनी मेरा लागि सबै कुरा थिए।
राम्रो होस् या नराम्रो, उनी सधैं माझैमा रहे।
उनको सहज र मिलनसार स्वभावले उनले मेरो परिवारका हरेक सदस्यको मन जितेका थिए, सधैं सबैलाई स्नेह र अपनत्व दिँदै।”
आफ्नो पोस्टमा उनले थप लेखेकी छन्—
“एक सार्वजनिक व्यक्तित्वका रुपमा, उनको प्रतिभा, लोकप्रियता, विनम्र स्वभाव र सर्वव्यापी आकर्षणले उनलाई यति अनौठो र अतुलनीय आइकन बनायो, जसको मिसाल कुनै दिग्गजमा भेटिन गाह्रो छ।
फिल्म उद्योगमा उनको कीर्ति र उपलब्धिहरू सधैं सम्झँदै राखिनेछन्।
मेरो व्यक्तिगत क्षति शब्दभन्दा परको छ, र उनी जानुबाट उत्पन्न भएको खालीपन मेरो पुरै जीवनभर साथ रहनेछ।
धेरै वर्षसम्मको साथ–सफरपछि अब म अनगिन्ति यादहरूका सहाराले ती विशेष पलहरू फेरि–फेरि बाँच्नेछु।”
यसका अलावा, हेमा मालिनीले धर्मेन्द्रसँग बिताएका केही यादगार पलकाहरूका तस्बिर पनि सेयर गर्दै लेखेकी छन्।
