काठमाडौँ । मिर्गौला प्रत्यारोपण गरेका प्रधानमन्त्री केपी ओली आज अपरान्ह सामान्य हिँड्डुल गरेका छन् । शिक्षण अस्पतालले आज प्रधानमन्त्रीको स्वास्थ्य बुलेटिक प्रकाशन गरी सो कुराको जानकारी गराएको छ । प्रधानमन्त्री ओलीको अस्ती बुधबार मात्र मिर्गौला प्रत्यारोपण गरिएको थियो ।
उनको स्वास्थ्यमा अपेक्षाकृत सुधार भइरहेको पनि सो अस्पतालका कार्यकारी निर्देशक प्रेमकृष्ण खड्गाले विज्ञप्तिमा जनाएका छन् ।
खड्गाका अनुसार प्रधानमन्त्री ओलीलाई ठोस खाना पनि खुवाउन थालिएको छ । त्यसैगरी प्रधानमन्त्री ओलीलाई मिर्गाैला दान गर्ने समीक्षा संग्रौलाको स्वास्थ्य अवस्थामा पनि सुधार आएको बताइएको छ । चिकित्सकहरुले उनलाई एक हप्तापछि डिस्चार्ज गर्ने तयारी गरिरहेका छन् ।
