काठमाडौं । वर्तमान सरकार गठन र प्रतिनिधि सभा विघटनलाई असंवैधानिक भन्दै आएको नेकपा एमालेले आज काठमाडौंमा शक्ति प्रदर्शन गर्दै छ ।
एमाले बागमती प्रदेश कमिटीको आयोजनामा प्रदर्शनीमार्गमा ‘शान्तिपूर्ण जनप्रदर्शन तथा जनसभा’ गर्न लागिएको हो ।
स्थानीय तह र जिल्लामा शक्ति प्रदर्शन गरिसकेको एमालेले आज राजधानीमा सभा गर्न लागेको जनाएको छ ।
यो जनसभालाई एमालेले शक्ति प्रदर्शनको रुपमा अथ्र्याउँदै आएको छ । संसद विघटन र सुशीला कार्की नेतृत्वको सरकार असंवैधानिक तवरले बनेको भन्दै त्यसको विरोध स्वरूप जनसभा गर्न लागिएको नेताहरुले बताएका छन् ।
एमालेले आजको प्रदर्शनमा ठूलो संख्यामा मानिसहरुलाई सहभागी गराउने दाबी गरेको छ ।
यसअघि हिजो एमालेले पार्टीको भोलेन्टियर फोर्स घोषणा गरेको थियो ।
