एजेन्सी । मेक्सिकोकी २५ वर्षीया फातिमा बोश फर्नाडेंजले मिस युनिभर्स२०२५ को उपाधि जितेकी छिन् । बोशलाई गत वर्षकी मिस युनिर्भस डेनमार्ककी विक्टोरिया कजेरले ताज पहिराइदिएकी हुन् ।
प्रतियोगीताको स्याश सेरोमनीका क्रममा फातिमा बोशले मिस युनिभर्स थाइल्यान्डका निर्देशक नवात इटसाराग्रिसिलले ‘डम्बहेड’ भनेपछि सार्वजनिक रूपमा आपत्ति जनाएकी थिइन् । विवादपछि सबै प्रतियोगीहरूले उनको समर्थनमा सेरोमनी छोडेर बाहिर निस्किएका थिए । पछि प्रतिस्पर्धामा चलखेल भएको भन्दै दुई जजले राजीनामा समेत दिएका थिए ।
बोशले मिस युनिभर्स २०२५ को ताज जित्नुलाई प्रतिकात्मक विजयका रूपमा हेरिएको छ ।
प्रतियोगितामा थाइल्यान्डकी प्रवनीर सिंह पहिलो फर्ष्ट रनर अप रहिन् । यस्तै, भेनेजुएलाकी स्टेफनी अब्साली तेस्रो स्थानमा रहँदा फिलिपिन्सकी अतिसा मनालो चौथो र कोट डी’आइवरकी ओलिभिया यासे पाँचौँ स्थानमामा रहिन् ।
शीर्ष ५ राउन्डमा फातिमा बोशलाई २०२५ मा महिलाहरूले सामना गर्ने सबैभन्दा ठुला चुनौतीहरू के हुन् र उनले मिस युनिभर्सको रूपमा महिलाहरूको लागि सुरक्षित ठाउँ कसरी सिर्जना गर्नेछिन् भनेर सोधिएको थियो । जवाफमा फातिमाले ‘म आफ्नो आवाजको प्रयोग अरूका लागि गर्नेछु । हामी महिला साहसी छौँ र इतिहास रच्ने क्षमता पनि हामीसँग छ’ भनेकी थिइन् ।
