काठमाडौं । वरिष्ठ अधिवक्ता भीमार्जुन आचार्यले रातको समयमा पुगेर कुनै व्यक्तिलाई गिरफ्तारी गर्न कसैले पनि नपाइने बताएका छन् ।
मेडिकल व्यवसायी दुर्गा प्रसाईलाई सरकारले मध्यराति पक्राउ गरेकोतर्फ लक्षित गर्दै वरिष्ठ अधिवक्ता आचार्यले मध्यरातको समयमा परिवारसँग रहेको व्यक्तिलाई गिरफ्तारी गरिनु नागरिक शासनको निकै ठूलो धब्बा भएको बताउनुभएको हो ।
सामाजिक सञ्जालमा लेख्दै उनले यस्तो हर्कत गर्न सरकारलाई केले बाध्य बयो त्यसको जवाफ दिनसमेत उनले माग गरेका छन् ।
वरिष्ठ अधिवक्ता आचार्यले लेखेका छन्–
अभिव्यक्ति स्वतन्त्रताका सीमा र मर्यादा हुन्छन्, त्यसको पालना र सम्मान हरेक व्यक्ति र नागरिकले गर्नुपर्छ । यसको नियमन राज्यले गर्न पाउँंछ । तर, रातको समयमा परिवारसँग रहेको व्यक्तिलाई गिरफ्तार गर्नु कानूनत: बर्जित कार्य हो । नागरिक शासनको निकै ठूलो धब्बा पनि हो । यस्तो हर्कत गर्न सरकारलाई केले बाध्य बनायो ? जबाफ चाहियो सरकार !
