काठमाडौं । नेकपा (माओवादी केन्द्र)का नेता जनार्दन शर्माले नयाँ राजनीतिक अभियानको घोषणा गरेका छन् ।
नेकपा (एकीकृत समाजवादी)सहित साना दलहरूसँग भइरहेको एकता प्रक्रियाप्रति असहमति जनाउँदै पार्टी छाडेका शर्माले मंगलबार पत्रकार सम्मेलनमार्फत प्रगतिशील अभियान, नेपाल अभियान सुरु गरेको घोषणा गरेका हुन् ।
शर्माले आफूहरू जेनजी आन्दोलनले उठाएको माग र भावनासँग असहमत रहेको भन्दै उक्त एकता प्रक्रियामा सहभागी हुन नसकेको स्पष्ट पारे ।
उनले भने, “एकताको नाममा घृणा फैलाउने काम भइरहेको छ, त्यसैले हामी त्यस्तो प्रक्रियाको हिस्सा हुन सक्दैनौं ।”
आफ्ना पूर्व गल्ती र कमजोरी स्वीकार गर्दै उनले नयाँ दृष्टिकोणसहित प्रगतिशील अभियान अगाडि बढाउने घोषणा गरे। “हाम्रो कमजोरीलाई स्वीकार गर्दै नयाँ अभियानका साथ हामी अघि बढ्छौं,” शर्माले भने ।
यो अभियानले विखण्डित वाम र प्रगतिशील शक्तिहरूलाई एकीकृत समाजवादी आन्दोलनको दिशामा अघि बढाउने वैचारिक र राजनीतिक प्रयास गर्ने उनको भनाई छ ।
