काठमाडौं । प्रतिनिधिसभा विघटनविरुद्ध परेको रिटमा सर्वोच्च अदालतले अन्तरिम आदेश जारी गर्न अस्वीकार गरेको छ ।
बुधबार भएको सुनुवाइपछि सर्वोच्चको संवैधानिक इजलासले अन्तरिम आदेश नदिई केवल ‘कारण देखाऊ आदेश’ मात्र जारी गरेको हो। यस आदेशका अनुसार विपक्षी पक्षलाई लिखित जवाफ पेश गर्न भनिएको छ ।
अब संवैधानिक इजलासले दुवै पक्षका लिखित जवाफ आएपछि अर्को सुनुवाइ तय गर्नेछ ।
रिटदाताहरूले प्रतिनिधिसभा विघटनलाई असंवैधानिक भन्दै तत्काल कार्यान्वयन रोक्न माग गरेका थिए । तर इजलासले तत्कालीन अवस्थाको यथास्थिति परिवर्तन गर्न नहुने निर्णय गरेको हो ।
