काठमाडौँ । नयाँ राजनीतिक शक्तिका रूपमा उदाउँदै गरेको राष्ट्रिय जेनजी पार्टी नेपालले दल दर्ताका लागि निर्वाचन आयोगमा निवेदन दर्ता गरेको छ ।
पार्टीको अध्यक्षमा हिरा प्रसाद सेती रहेका छन् भने उपाध्यक्ष मुना बिक, महासचिव गोपाल आचार्य, सचिवहरूमा संजु नेपाली, मोहम्मद आयातुल्ला रहमान र होम श्रेष्ठ रहेका छन् । पार्टीको प्रारम्भिक केन्द्रीय समितिमा २१ जना सदस्य रहेका छन् ।
दल दर्ताका क्रममा पार्टीले आफ्नो चुनाव चिन्ह ‘क्रस खुकुरी’ प्रस्ताव गरेको छ ।
पार्टीको नीतिगत तथा वैचारिक आधारमा सामाजिक उदारवादलाई राजनीतिक दर्शनका रूपमा अंगीकार गरिएको छ। पार्टीले युवा नेतृत्व, संघीयता, धर्मनिरपेक्षता, समानुपातिक समावेशिता, वातावरणवाद, यौनिक तथा लैंगिक अल्पसंख्यक अधिकार र गणतन्त्रलाई आफ्ना आधार स्तम्भहरूका रूपमा लिएको छ ।
पार्टीको विधान अनुसार कुनै पनि पदाधिकारीले अधिकतम दुई कार्यकालसम्म मात्र जिम्मेवारी वहन गर्न पाउने व्यवस्था गरिएको छ ।
राष्ट्रिय जेनजी पार्टी नेपालको संघीय कार्यालय काठमाडौंको अनामनगरमा रहेको छ ।
