काठमाडौँ । नेकपा (माओवादी केन्द्र) का नेता पुष्पकमल दाहाल प्रचण्डले पटक—पटक संसद विघटन गर्नेहरुले संसद पुनस्र्थापनका कुरा गर्नु हास्यास्पद भएको टिप्पणी गर्नुभएको छ ।
अखिल नेपाल ट्रेड युनियन महासंघले शनिवार आयोजना गरेको कार्यक्रमा उहाँले नेकपा एमाले अध्यक्ष केपी शर्माप्रति लक्षित गर्दै उहाँले यस्तो टिप्पणी गर्नुभएको हो । उहाँले सरकारले तोेकेको समयमा निर्वाचन नभए अर्को अराजकता निम्तिने खतरा रहेको बताउनु भयो । उहाँले वर्तामान यथार्थलाई स्वीकार गरेर निर्वाचन सफल बनाउन लाग्न एमालेलाई आग्रह गर्नुभयो । घोषित समयमा निर्वाचन सफल गर्नु नै संविधान र लोकतन्त्रको रक्षाको अहिलेको सबभन्दा उत्तम विकल्प रहेको उहाँको भनाई छ । यसलाई भड्काउने कोशिस नर्गन उहाँले चेतावनी समेत दिनुभयो ।
उहाँले भन्नुभयो, ‘हिजो पटक पटक संसद विघटन गर्नेहरुले अहिले संसद पुनस्र्थापनका कुरा गर्नु जस्तो हास्यास्पद कुरा अरु केही हुन सक्दैन । म ती साथीहरुलाई यस्तो वितण्डाको पछि नलाग्न र आजको यथार्थलाई स्वीकार गरेर यो निर्वाचन सफल पार्न आग्रह गर्न चाहन्छु । मैले यहाँ कुनै आवेग र आक्रोश व्यक्त गर्दै छैन । यथार्थ यही नै हो । नेकपा एमालेका साथीहरुलाई आजको यो यथार्थलाई स्वीकारेर निर्वाचन सफल पार्न आउनुहोस्, सबै मिलेर वृहत सहकार्य गरौँ । यो नै देशको, संविधानको, लोकतन्त्रको रक्षाको अहिलेको सबभन्दा उत्तम विकल्प हो । यसलाई भाड्ने दुचेष्टा कसैले नगरौँ ।’
उहाँले वर्तमान सरकार एमाले अध्यक्ष केपी ओली कै सिफारिसमा बनेको पनि दोहो¥याउनु भयो । आफ्नै सिफारिसमा बनेको सरकारलाई हाहाहुहुको सरकार नभन्न उहाँको सुझाव छ ।
