काठमाडौँ । नेपाली काँग्रेसको केन्द्रिय समितिको बैठकमा सात जना सदस्यहरुले धारणा राखेका छन् ।
बिहीवार दिउँसो बसेको केन्द्रिय समितिको बैठकमा सात जना मात्रै सदस्यहरुले आफ्ना धारणा राखेका छन् । बैठकले पार्टी सभापति शेरबहादुर देउवामाथि जेन—जी आक्रमणमा भएको सांघातिक हमलाप्रति निन्दा गरेको छ । बैठकमा बोल्ने सदस्यहरुले महाधिवेशनबारे स्पष्ट हुनुपर्ने धारणा राख्नुभएको प्रवक्ता डा. प्रकाशशरण महतले बताउनु भयो । सरकार निर्वाचनलाई सहज बनाउने बाटोतिर नगएको, प्रतिशोध साँध्ने बाटोमा गएको धारणा राख्नुभएको बताउनु भयो । आम नागरिकले पूर्ण रुपमा सुरक्षा महशुस गर्न नसकेको, सुरक्षा निकायको मनोबल उठ्न नसकेको बताउनु भयो ।
निर्वाचनमा कुनैपनि भय बिना भाग लिने वातावरण बनाउनुपर्ने धारणासदस्यहरुले राख्नुभएको बताउनु भयो । साथै बैठकमा पुनः स्थापना बारेमा पनि केही सदस्यहरुले आफ्ना धारणा राख्नुभएको दाबी गर्नुभयो । कार्यवाहक सभापति पूर्णबहादुर खड्काले वर्तमान अवस्थाबारे बैठकमा जानकारी गराउनुभएको बताउनु भयो । पार्टीले नियमित महाधिवेशन नै अघि बढाउने र विशेष महाधिवेशनको एजेण्डा केन्द्रिय समितिको बैठकमा नरहेको बताउनु भयो । उहाँले आम निर्वाचन र पार्टीको अधिवेशनबारे प्रश्न उठाउनुभएको जिकिर गर्नुभयो । बैठकमा कार्यतालिका प्रश्ताव अहिलेसम्म नगरिएको पनि जानकारी दिनुभयो ।
बैठकपछि बोल्दै नेपाली काँग्रेसका नेता अर्जुननरसिंह केसीले जेन—जी आन्दोलनका क्रममा भदौ २३ र २४ गते भएको घटनाको जरैदेखि छानविन हुनुपर्ने धारणाहरु आएको बताउनु भयो । साथै अबको दिनमा काँग्रेस कसरी अघि बढ्ने भन्नेबारेमा सुझावहरु आएको बताउनु भयो । नियमित अधिवेशन गर्न नसक्ने भए विशेष महाधिवेशन गर्नुपर्ने बताउनु भयो । नियमित अधिवेशन मंसिरभित्रै गर्नुपर्नेमा जोड दिनुभयो । जेन—जीको पहिरनमा गरिएका कामहरु र व्यक्तिहरु पत्ता लगाउनुपर्ने बताउनु भयो । सुरक्षाको प्रत्याभुति नभइ राजनीतिक दलहरु निर्वाचनमा जान नसक्ने बताउनु भयो । संसद पुनःस्थापनातिर लाग्न नहुने उहाँको भनाइ छ । हजार र पाँच सयको नोट प्रतिवन्ध गर्न माग समेत गर्नुभयो । हरेक छानविनका लागि काँग्रेस तयार रहेको बताउनु भयो ।
बैठकपछि बोल्दै केन्द्रिय सदस्य रामहरि खतिवडाले कानून हातमा लिएर सरकार चलाउने काममा केही व्यक्तिहरु लागेको बताउनु भयो । उहाँले सरकारले निर्वाचनको वातावरण बनाउन नसकेको बताउनु भयो । समाजमा त्रास कायम रहेकाले त्यसलाई हटाउन आग्रह गर्नुभयो । सरकार संविधान विपरित बनेको र त्यसबारे सोच्नुपर्ने धारणा नेताहरुले राख्नुभएको बताउनु भयो । उहाँले जेन जीका मागहरु सम्बोधन गरेर जान आवश्यक रहेको बताउनु भयो । पुराना पुस्तालाई सम्मान र नयाँ पुस्तालाई आकर्षित गर्नेगरी अघि बढ्न आवश्यक रहेको बताउनु भयो ।
केन्द्रिय सदस्य इन्द्रबहादुर बानियाँले जेन—जी आन्दालेन, अप्राकृतिक विपत्ति, आगजनी, तोडफोडबारे मूल्यांकन लगायतबारे छलफल गर्नेबारे विषयहरु उठेको बताउनु भयो । पार्टीका सभापति र नेताहरुमाथि भएको आक्रमणबारे पनि छलफल हुने बताउनु भयो । साथै महाधिवेशनबारे पनि विषयहरु बैठकमा उठेको बताउनु भयो । समयमै महाधिवेशन गर्नुपर्ने बारेमा छलफल शुरु भएको बताउनु भयो । निर्वाचन हुने कुराको विश्वसनीय वातावरण बनेको खण्डमा काँग्रेस निर्वाचन सम्पन्न गरेर आन्तरिक काममा लाग्ने बताउनु भयो । संसद विघटन अलोकतान्त्रिक र असंवैधानिक रहेको बताउँदै काँग्रेस निर्वाचनबाट नभाग्ने दाबी गर्नुभयो ।
एकतावद्ध भएर कार्यतालिका बनाइ काँग्रेस अघि बढ्ने बताउनु भयो । सबैको भावना समेट्दै काँग्रेस अघि बढ्ने बताउनु भयो । देशमा शान्ति सुरक्षा कमजोर रहेको, सुरक्षा निकायको मनोबल गिरेको अवस्था रहेको बताउनु भयो । सरकारको प्राथमिकता निर्वाचन रहेको बताउनु भयो ।
