काठमाडौँ। पहिरोका कारण अवरुद्ध भएको मुग्लिन–नारायणगढ आधा घण्टापछि सञ्चालनमा आएको छ।
चितवनस्थित तुइनखोलानजिक गएको पहिरो हटाइएसँगै सडकखण्ड सञ्चालनमा आएको हो । सो स्थानमा आज राति ८ बजे लेदोसहितको पहिरो गएको थियो । करिब ३० मिनेटमा पहिरो हटाएर सडक सञ्चालनमा ल्याइएको सडक डिभिजन कार्यालय चितवनले जनाएको छ ।
वर्षाका कारण आज साँझ ७ः३० बजे लेदोसहित झरेको पहिरोले सडक दुवैतर्फ अवरुद्ध भएको थियो। पहिरो पन्छ्याउनका लागि सडक डिभिजन कार्यालय भरतपुरको एस्काभेटर लोडर प्रयोग गरिएको थियो।
