काठमाडौं । भाटभटेनी सुपरमार्केटले उपत्यकाका विभिन्न ६ स्टोर सुक्रबारदेखि खुल्ला गर्ने निर्णय गरेको छ । ग्राहकको गुणस्तरीय दैनिक उपभोग्य बस्तु खरिद गर्ने चाहनालाई मध्यनजर गर्दै शुक्रबारदेखि स्टोर खुला गर्ने निर्णय गरिएको भाटभटेनी सुपमार्केटका चिफ अपरेटिङ अफिसर पानु पौडेलले बताए । पौडेलका अनुसार कोरोना भाइरसको त्रासका कारण मुलुक लकडाउनमा गएपछि भाटभटेनीले होम डेलिभरीको सुविधा दिँदै आएकोमा आजदेखि स्टोर नै खुला राख्ने निर्णय भएको हो ।
उनका अनुसार बिहान १० बजेदेखि बेलुका ७ बजेसम्म स्टोर खुल्नेछ । तर, स्टोरमा पर्याप्त सावधानी अपनाइएको छ । एक पटकमा स्टोरभित्र १० जनालाई मात्रै प्रवेश दिइने र त्यसमा पनि सोसियल डिस्ट्यान्सिङ कायम गरिने छ । उनका अनुसार राजधानीका कलंकी, महाराजगन्ज, नक्साल, पुरानो भाटभटेनी, भक्तपुर र पुल्चोकको स्टोर खुल्ला रहनेछ ।
तर, नक्शालमा रहेको पुरनो सुपर मार्केटले भने यस अघि पनि अफिर पौडेलले भने अनुसार नै ग्राहकलाई सेवा दिँदै आएको थियो । हरेक दिन ग्राहकले घण्टौं लाइनमा बसेर सामान किन्ने गरेका थिए ।
