काठमाडौं। सरकारले अध्यादेश फिर्ता गरेर गल्ति सच्याएको प्रमुख प्रतिपक्ष दल नेपाली कांग्रेसका प्रवक्ता विश्वप्रकाश शर्माले प्रतिक्रिया दिएका छन । सरकारले सोमाबर संवैधानिक व्यवस्था विपरित संवैधानिक परिषद र राजनैतिक दल सम्वन्धी दुई अध्यादेश ल्याएपछि कांग्रेसले फिर्ता लिन माग गरेको थियो ।
केन्द्रीय प्रचार विभागका संयोजक समेत रहेका शर्माले शुक्रबार ट्वीटरमार्फत अपहरण शैलीमा सांसद उठाउने कार्यामा संलग्नलाई कार्वाहीको माग गरेका छन । शर्माले सम्पूर्ण ध्यान र शक्ति कोरोना विरुद्धको संघर्षमा केन्द्रित गरेर नागरिकको जीवन जोगाउन प्रधानमन्त्री ओलीलाई सुझाव दिदै भनेका छन अध्यादेश फिर्ता लिएर सरकारले गल्ती सच्यायो,अब अपहरण शैलीमा सांसद उठाउने कर्ममा संलग्नलाई कार्वाहीको प्रतीक्षामा छ देश !
प्रधानमन्त्रीजिलाई जनताको तर्फबाट आग्रह छ अब सम्पुर्ण ध्यान र शक्ति कोरोना विरुद्धको संघर्षमा केन्द्रित गरौं िपहिले नागरिकको जीवन जोगाऔं फुर्सदमा राजनैतिक विवाद गरौंला ।
