काठमाडौँ । निरन्तर बढिरहेको सुनको मूल्यले शुक्रबार फेरी नयाँ रेकर्ड बनाएको छ ।
अघिल्लो दिनको तुलनामा आज प्रतितोला २ हजार ५ सय रुपैयाँले बढ्दै सुनको मूल्यले नयाँ रेकर्ड बनाएको हो ।
यससँगै आज सुन तोलामा२ लाख १० हजार ४ सय रुपैयाँमा कारोबार भईरहेको नेपाल सुनचाँदी व्यवसायी महासङ्घले जनाएको छ । अघिल्लो कारोबारमा सुन २ लाख ७ हजार ९ सय रुपैयाँमा सुनको कारोबार भएको थियो ।
आज चाँदीको मूल्य पनि बढेको छ । आज चाँदी प्रतितोला १० रुपैयाँले बढ्दै २ हजार ४९० रुपैयाँमा कारोबार भइरहेको महासंघले जनाएको छ ।
