काठमाडौं । प्रधानमन्त्री केपी शर्मा ओलीसँग शुक्रबार राति अख्तियार दुरुपयोग अनुसन्धान आयोगका प्रमुख आयुक्त नवीन घिमिरेले भेटवार्ता गर्नु भएको छ ।
केही दिन अघि मात्र प्रधानन्यायाधीस चोलेन्द्र शमशेर राणासँग राति नै शंकास्पद भेटघाट गरेका प्रधानमन्त्री ओलीले राजनीतिक संकट बढेको बेला प्रमुख आयुक्त घिमिरेसँग भेट गर्नुभएको हो ।
ललिता निवास जग्गा प्रकरण, तत्कालीन माओवादी लडाकुको शिविरमा भएको आर्थिक अनियमितता समेतका बारेमा अख्तियारले छानविन गर्नुपर्ने कुरा बेलाबेलामा उठ्ने गरेको सन्दर्भमा प्रमुख आयुक्तको भेटलाई अर्थपूर्ण रूपमा हेरिएको छ ।
