काठमाडौं । कारोना भाइरस निको भएर घर फर्किएका दुई जनामा पुनः संक्रमण देखिएको समाचार छ । रौतहटका एक युवक र भारतीय जमातीमा पुनः कोरोना संक्रमण देखिएको स्वास्थ्य मन्त्रालय स्रोतले जानकारी दिएको छ । यसअघि उनीहरु अस्पताल बसेर निको भई घर फर्किएका थिए । वीरगञ्जको छपकैयास्थित मस्जिदमा बस्दै आएका तीन जना जमातीमा ३० चैतमा र भारतबाट आएका रौतहटका युवकमा १ वैशाखमा संक्रमण पुष्टि भएको थियो ।
त्यस्तै अर्का एकजना पनि नारायणी अस्पतालमा दुई साता लामो उपचारपछि घर फर्किएका थिए । उनीहरुलाई १४ गते डिस्चार्ज गरिएको थियो । तीन पटक गरिएको परीक्षणको रिपोर्ट नेगेटिभ आएपछि डिस्चार्ज गरिएको अस्पतालले यसअघि नै बतएको थियो । तर स्वास्थ्यमा समस्या देखिएको भन्दै दुबै जना दुई दिनअघि फेरि अस्पताल पुगेका थिए । उनीहरुलाई पुनः भर्ना गरिएको बताइएको छ । हाल आइसोलेनमा रहेका दुबैको कोराना परीक्षणको रिपोर्ट पोजेटिभ आएको छ ।