काठमाडौं । महिलालाई गालीगलौज गरेको आरोपमा राष्ट्रिय स्वतन्त्र पार्टीका केन्द्रीय सदस्य डा. अरनिको पाँडे पक्राउ परेका छन् । एक जना महिलालाई सामाजिक सञ्जाल मार्फत गालीगलौज गरेको आरोपमा पाँडे पक्राउ परेका हुन् ।
महिलाले उजुरी दिएपछि उनलाई साइबर ब्यूरोले पक्राउ गरेको हो । अदालतबाट आजै पक्राउ पुर्जी जारी भएको थियो । दिउँसो पक्राउ पूर्जी लिएको प्रहरीले साँझ उनलाई पक्राउ गरेको हो ।
प्रहरीले म्याद थपका लागि उनलाई भोलि अदालतमा उपस्थित गराउने छ ।
वातावरणविद् पाँडे २०७९ साल भदौमा रवि लामिछाने नेतृत्वको राष्ट्रिय स्वतन्त्र पार्टीमा प्रवेश गरेका थिए । उनी रास्वपा सरकारमा रहेको बेलामा २०८० सालमा राष्ट्रिय योजना आयोगको सदस्य समेत बनेका थिए ।
