"भारतीय स्थल सेनाको मानार्थ जनरल पद" स्विकार नगर | यसले नेपाली सेनालाई घाटा मात्रै भएको छ | (कम्तिमा वर्तमान परिस्थितिमा सेना त अघि सर्न सक्थ्यो | ) भारतले नेपाली भूमि लिपुलेक हुँदै कैलाश मानसरोवरसम्म जान बनाएको सडकको कारण नेपालको सार्मभौवसत्ता,रास्ट्रियता र स्वाभिमानमा गम्भीर आँच आएको छ | यस्तो गम्भिर विषयमा नेपाल सरकारले भारतसंग कुटनीतिक वार्ता शुरु त गरेको छ तर भारतको मिचाहा प्रवृति र नेपाललाई हेर्ने उसको दृष्टिकोणका कारण खासै उपलब्धि हुने कुरामा भने आमनेपाली विश्वस्त छैनन् |
यस्तो अवस्थामा नेपाली सेनालाई पटक्कै फाइदा नहुने तर नेपाली सेनाको प्रधान सेनापतिलाई भारत सरकारले विगतदेखि दिँदै आएको "भारतीय स्थल सेनाको मानार्थ जनरल पद" अबदेखि कुनैपनि प्रधान सेनापतिले नलिने र सोको खातिर भारतीय सेना प्रमुखलाई नेपालको संविधानमा कतै उल्लेख नभएतापनि दिँदै आएको 'नेपाली सेनाको मानार्थ सेना प्रमुख' को पदवी पनि नेपाल सरकारले तत्काल खारेज गरोस् |
साथै नेपाली सेनाको पहलमा नेपाल सरकारले सन् १९४७ देखि भारतीय गोर्खा सेनामा विश्वभर प्रसिद्धि कमाएको वीर,साहसी र बहादुर नेपाली युवाहरु पठाउन बन्द गर्ने घोषणा गर्ने हो भने पटक पटक नेपाल र नेपालीलाई हेप्दै आएको भारत लाइनमा आउने कुरामा दुईमत छैन |
(यो मेरो नितान्त व्यक्तिगत विचार हो | )
