काठमाडौं । नेपाली कला, सँस्कृति र साहित्यमा योगदान गरेका शताव्दी पुरुष सत्यमोहन जोशी १०१ वर्ष पुगेका छन् । जोशी वैशाख ३० गते मंगलबार १०१ वर्ष पुगेका हुन् ।
जोशी गत वर्ष एक सय वर्ष पुग्दा ललितपुर महानगरपालिकाले महानगरपालिकाभर सार्वजनिक विदा दिएको थियो । साथै महानगरपालिकाले एक वर्षभर विभिन्न कार्यक्रम गरी जन्मशताव्दी मनाउने निर्णय गरेको थियो ।
तर यस वर्ष कोरोना भाइरस संक्रमणको जोखिम रोक्न लकडाउन गरिएकाले औपचारिक कार्यक्रमहरु नरहेको उपमेयर गीता सत्यालले बताइन् ।
यसैबीच जोशी १०१ वर्ष पुगेको अवसरमा नेपालका लागि अमेरिकी राजदूत र्याण्डी बेरीले समेत शुभकामना दिएका छन् । उनले ट्वीटरमार्फत् जोशीको सुस्वास्थ्यको कामना गरेका छन् ।
