रौतहट । नेपालमा थप ९ जनामा कोरोना संक्रमण पुष्टि भएको छ । सोमबार विहान रौतहट र बारामा गरि जम्मा ९ जनामा कोरोना देखिएको हो ।
राष्ट्रिय जनस्वास्थ्य प्रयोगशाला, काठमाडौंमा गरिएको परीक्षणमा रौतहत, इशनाथ न.पा.– २, ३, ६ र ९ निवासी २१, २१, २३, २५, २५, २९ र ३० वर्षीय पुरुषहरु र रौतहट माधवनारायण न.पा.–३ निवासी २८ वर्षीय महिला छन् ।
त्यसैगरी बारा कैरायामाई–५ निवासी ३८ वर्षिय पुरुषमा कोरोना संक्रमण देखिएको स्वास्थ्य तथा जनसंख्या मन्त्रालायले जनाएको छ । अहिले सबैको स्वास्थ्य अवस्था सामान्य रहेको र सबैलाई स्वास्थ्यकर्मीहरुको निगरानीमा राखिएको जनाईएको छ । अहिलेसम्म नेपालभर संक्रमितको संख्या ३०४ पुगेको छ भने दुई जनाको मृत्यु भईसकेको तथ्याङ्क छ ।
