काठमाडौं । प्रतिनिधिसभाको बैठकमा सरकारको नीति तथा कार्यक्रममा सांसदहरुले उठाएको प्रश्नहरुको जवाफ दिन रोष्टममा उभिनु भएका प्रधानमन्त्री केपी शर्मा ओलीलाई उभिएर रोष्ट्रममा बोल्न गाह्रो भएपछि कुर्सीको व्यवस्था गरिएको छ ।
सांसदहरुले उठाएका प्रश्नको जवाफ दिने क्रममा केहीबेर आफ्ना धारण राखेपछि उहाँले आफूलाई उभिएर बोल्न कठिन भएको भन्दै सभामुखसँग बस्ने व्यवस्था मिलाइदिन आग्रह गर्नु भएपछि सभामुखले तल फ्लोरबाटै बसेर बोल्नका लागि आग्रह गर्नुभएको थियो । अपरेसनका क्रममा खुट्टामा केही समस्या भएको र लामो समयसम्म उभिएर बोल्न गाह्रो भएको भन्दै उहाँले बसेर बोल्ने व्यवस्था मिलाउन आग्रह गर्नुभएको हो ।
सांसदहरुलाई नदेखिने भन्दै माथि नै बसेर बोल्ने बताउनु भएपछि सांसदका महासचिव बसेको स्थान नजिक बस्न आग्रह गर्नुभएको थियो । प्रधानमन्त्री ओलीले रोष्ट्रममा नै कुर्सीको व्यवस्था गर्न आग्रह गर्नुभएपछि मर्यादापालकले रोष्ट्रममा नै कुर्सीको व्यवस्था गरेपछि त्यहीँबाट आफ्ना घारणाहरु राख्नु भएको थियाे ।
