काठमाडौं । आज (शुक्रबार) चितवन सहित देशका विभिन्न जिल्लामा ३० जना संक्रमित थपिएका छन् । राष्ट्रिय जनस्वास्थ्य प्रयोगशाला, काठमाडौं र भरतपुर अस्पताल, चितवनमा गरिएको परिक्षणमा नयाँ संक्रमितहरु फेला परेका हुन् । संक्रमितहरु नवलपरासी (बर्दाघात सूस्ता पुर्व) विनय त्रिवेणी गाँउपालिका–६ निवासी ४५ वर्षिय पुरुष, भरतपुर महानगरपालिका–६ केसरबाघ, चितवन निवासी ७४ वर्षिय पुरुष र ७३ वर्षिय महिला रहेका छन् ।
त्यसैगरी नवलपरासी सूस्त गाँउपालिका–५ र रामग्राम न.पां–३ र ८ निवासी ३३ र ३५ वर्षिय पुरुषहरु छन् र १५ वर्षिय युवती छिन् ।
कपिलवस्तु बाणगंगा न.पां, मायादेवी गाँउपालिका निवासी २४, २५, २७, २९, ३४, ३६, ४५, ५३ वर्षिय पुरुषहरु र ८ वर्षिय बालिकालाई पनि संक्रमण देखिएको छ । त्यसैगरी सर्लाही गोडैता न.पा.–८, ९, ११, १३ र १४ र रामनगर बहुअर्वा गाँउपालिका–७ निवासी २२, २२, २४, २५, २५, २७, ३२, ३४, ३४, ३५, ३८, ३८, ३८, ३९ वर्षिय पुरुषहरु र १८ वर्षिय युवतीमा पनि संक्रमण देखिएको स्वास्थ्य तथा जनसंख्या मन्त्रालयले जनाएको छ । यतीबेला सबै संक्रमितहरु स्वास्थ्यकर्मिहरुको निगरानीमा रहेको र सबैको अवस्था सामान्य रहेको मन्त्रालयले जनाएको छ । स्वास्थ्य तथा जनसंख्या मन्त्रालयका सह प्रवक्ता डा. समिर कुमार अधिकारीका अनुसार नेपालमा कोरोना संक्रमितको संख्या बढेर अहिले जम्मा ४ सय ८७ पुगेको छ ।