सन् २०२५ को प्रतिष्ठित Ballon d’Or (बालोन डी’ओर) पुरस्कारका लागि मनोनयन सार्वजनिक गरिएको छ । विश्व फुटबलका उत्कृष्ट खेलाडीहरू यस वर्षका विभिन्न पुरस्कारको प्रतिस्पर्धामा छन्।
पेरिस सेन्ट जर्मेन (पिएसजी) का फ्रेन्च स्टारहरू उस्मान डेम्बेले र डेसायर डोएले प्रमुख भूमिका निभाउँदै शीर्ष पुरुष पुरस्कारको लागि स्थान बनाएका छन्। गत वर्ष विजेता रोड्री यसपटक चोटका कारण नामावलीमा परेका छैनन्। ब्रुनो फर्नान्डेस, बुकायो साका र ट्रेन्ट अलेक्ज्यान्डर-अर्नोल्ड जस्ता चर्चित नामहरू पनि यसपटकको सूचीबाट बाहिर छन् ।
बार्सिलोनाका युवा खेलाडी लामिन यामाल र लिभरपुललाई प्रिमियर लिग च्याम्पियन बनाउने प्रेरणास्रोत मोहम्मद सालाह समेत ३० खेलाडीको सूचीमा परेका छन्। स्कट म्याक्टोमिने (नापोलीलाई सिरी ए जिताउने भूमिका) र काइलियन एम्बाप्पे (रियल म्याड्रिडमा प्रभावशाली पहिलो सिजन) पनि मनोनयनमा परेका छन्।
महिला तर्फ, लगातार दुईपटक विजेता बनेकी आइताना बोनमाटी फेरि पनि प्रमुख दावेदार मानिएकी छन्। यद्यपि, उनले क्लब बार्सिलोनासँग महिला च्याम्पियन्स लिगको फाइनल आर्सनलसँग हारेकी थिइन्, साथै स्पेनको राष्ट्रिय टोलीले महिला युरो २०२५ को फाइनलमा इंग्ल्याण्डसँग पराजय भोगेको थियो। इंग्ल्यान्डकी क्लो केली, हाना ह्याम्पटन र स्पेनकी मरिओना काल्देनते पनि मनोनयनमा परेका छन्।
पुरुष बलोन डी’ओर २०२५ का ३० जना मनोनयनमा परेका खेलाडीहरू
पेरिस सेन्ट जर्मेन (पिएसजी):
- उस्मान डेम्बेले
- भिटिन्हा
- फाबियन रूइज
- नुनो मेंडेस
- अक्राफ हाकिमी
- जानलुइजी डोनारुम्मा
- डेसायर डोए
- जोआओ नेभेस
- खिभिचा काभाराच्खेलिया
बार्सिलोना:
- लामिन यामाल
- रफिन्हा
- पेड्री
- रोबर्ट लेवान्डोस्की
लिभरपुल:
- मोहम्मद सलाह
- फ्लोरियन विर्ट्ज
- भर्जिल भान डाइक
- अलेक्सिस म्याक एलिस्टर
चेल्सी:
- कोल पाल्मर
नापोली:
- स्कट म्याकटोमिने
रियल म्याड्रिड:
- काइलियन एम्बाप्पे
- जुड बेलिङ्घम
- भिनीसियस जुनियर
इन्टर मिलान:
- लाउटारो मार्टिनेज
- डेनजेल डुम्फ्रिज
बायर्न म्युनिख:
- ह्यारी केन
- माइकल ओलिस
बोरुसिया डर्टमुण्ड:
- सेर्हौ गुइरासी
स्पोर्टिङ सीपी / आर्सनल:
- भिक्टर ग्योकेरेस
आर्सनल:
- डेक्लान राइस
म्यानचेस्टर सिटी:
- एर्लिङ हालान्ड
