पोखरा । आफूलाई अभियन्ता बताउने शर्मिला वाइबालाई कास्की प्रहरीले पक्राउ गरेको छ ।
साइबर ब्युरोको आग्रहमा विद्युतीय कारोबार ऐनविरुद्धको कसुरमा उनलाई मंगलबार पोखराको लेकसाइडबाट पक्राउ गरिएको हो ।
विद्युतीय कारोबारविरुद्धको कसुरमा वाइबालाई पोखराको लेकसाइडबाट पक्राउ गरिएको कास्की प्रहरी प्रमुख एसपी श्यामबाबु ओलियाले जानकारी दिए । उनकै सहकर्मीले दिएको जाहेरीका आधारमा उनीविरुद्ध काठमाडौ जिल्ला अदालतबाट पक्राउ पुर्जी जारी भएको थियो ।
वाइबा यसअघि २०८० चैतमा पनि साइबर अपराध मुद्दा तथा कुटपिट गरेको अभियोगमा पक्राउ परेकी थिइन् । त्यतिबेला उनी ३५ हजार रुपैयाँ धरौटी बुझाएर रिहा भएकी थिइन् ।
