काठमाडाैंः ललितपुरमा कोरोनाका कारण एक व्यक्तिको मृत्यु भएकाे आशंका गरिएकाे छ ।
ललितपुरको किस्ट अस्पतालमा उपचारार्थ भर्ना भएका ती व्यक्तिकाे कोरोना संक्रमणका कारण बुधबार साँझ निधन भएको ललितपुरका जनस्वास्थ्य अधिकारीहरूले बताएका छन् । उनी ५६ वर्षका थिए । कलेजो संक्रमणका बिरामी ती पुरुष गत जेठ १२ गते किस्ट अस्पताल भर्ना भएका थिए। उनको घर ललितपुर महानगरपालिका २२, बुङ्मतिमा थियो ।
किस्ट अस्पतालमा भर्ना भएका उनको काेराेना आशंकामा स्वाब संकलन गरि परीक्षणका लागि टेकु पुर्याइएको थियो । टेकुबाट आएको रिपोर्टमा उनमा कोरोना भाइरसको संक्रमण रहेको पुष्टि भएको बताइएकाे छ ।
यद्यपी यस घटनाकाे स्वास्थ्य तथा जनसंख्या मन्त्रालयले पुष्टि गर्न बाँकी छ ।
नेपालमा यसअघि काेराेना संक्रमणबाट चार जनाकाे मृत्यु भइसकेकाे छ । मृत्यु भएकाहरूमा सिन्धुपाल्चाेक, पर्सा, पाल्पा र बाँकेका एकएक जना छन् ।
