काठमाडौं । साफ अन्डर–ट्वेन्टी महिला च्याम्पियनसिपमा नेपालले आज भुटानसँग खेल्दैछ ।
बंगलादेशको ढाकास्थित किङ्स एरेनामा खेल नेपाली समयअनुसार दिउँसो पौने तीन बजे सुरु हुने छ ।
जारी प्रतियोगितामा नेपालले भुटानसँग दोस्रो खेल खेल्न लागेको हो ।
पहिलो खेलमा नेपालले भुटानलाई ६–१ गोलले हराएको थियो।
आयोजक बंगलादेशसहित भुटान, श्रीलंका र नेपाल सम्मिलित प्रतियोगितामा डलब राउन्ड रोबिनको आधारमा खेल भइरहेको छ ।
नेपालले श्रीलंकासँग दुई खेल खेलिसकेको छ । दुवै खेलमा नेपाल ७–० गोलले विजयी भएको थियो ।
आयोजक राष्ट्र बंगलादेशसँग पहिलो खेलमा ३–२ गोलले हारेको थियो।
नेपालले ४ खेलबाट ९ अंक बटुलेको छ । ३ खेलबाट घरेलु बंगलादेशको ९ अंक छ ।
नेपालले सोमबार बंगलादेशसँग खेल्नेछ ।
लिग चरणपछि शीर्ष स्थानमा रहने टोलीले उपाधि जित्नेछ ।
