काठमाडौँ । सभामुख देवराज घिमिरेले संसदीय समितिका सभापतिहरुसँग छलफल गर्नुभएको छ । बानेश्वरमा सोमवार दिउँसो सभामुख घिमिरेले प्रतिनिधि सभाअन्तर्गतका विषयगत समिति र राष्ट्रिय सभाअन्तर्गत रहेका समितिका सभापतिहरुसँग समिचिको काम कारबाहीबारे चासो राख्नुभएको हो ।
छलफलमा समिति सभापतिहरुले आफ्नो समितिसँग सम्बन्धित समस्याका बारेमा उजागर गर्नुभएको पूर्वाधार विकास समितिका सभापति दीपबहादुर सिंहले बताउनु भयो । समितिलाई कसरी अझै प्रभावकारी बनाउने भन्नेबारेमा छलफल भएको बताउनु भयो ।
उहाँले भन्नुभयो, ‘सभामुखज्युले सबै समितिका सभापतिज्युलाई बोलाउनुभएको थियो । कसरी अघि बढ्ने, समितिमा के अफ्ठ्यारो छ । के प्रोसेस भएको छ, कहाँ बाधा भएको छ भन्ने जानकारी लिनुभयो । समिति सभापतिहरुले समितिमा भएका समस्याहरु स्पष्ट रुपमा राख्नुभयो । समितिलाई कसरी अझ एक्टिभ बनाउने भन्ने बारेमा छलफल भयो ।’
अन्तर्राष्ट्रिय सम्बन्ध र पर्यटन समिति सभापति राजकिशोर यादवले ‘समितिको काम कारबाही र प्रभावकारीताको बारेमा छलफल भएको बताउनु भयो । उहाँले नीतिगत समस्या, दिइएका निर्देशनको कार्यान्वयनबारे छलफल पनि छलफल भएको जानकारी दिनुभयो । समितिको कामलाई प्रभावकारी बनाउने बारेमा छलफल भएको बताउनु भयो । अन्तर्राष्ट्रिय सम्बन्ध र पर्यटन समितिमा शिर्ष नेताहरु रहेको कारण गणपूरक संख्या नपुग्ने भएकाले बैठक बस्न समस्या रहेको र समितिको सभा हल सानो हुँदा समस्या भइरहेको बारेमा सभामुखलाई जानकारी गराएको बताउनु भयो ।
उहाँले भन्नुभयो, ‘समितिको काम कारबाही, त्यसको प्रभावकारिता र त्यहाँ भएका चुनौति र अवसरलाई कसरी समाधान गर्ने भन्नेबारेमा छलफल भयो । समितिको काम, के समस्या छन्, भन्नेबारेमा छलफल भएको छ । नीतिगत समस्या, दिइएका निर्देशनको कार्यान्वयनबारे छलफल भएको छ । समितिको कामलाई प्रभावकारी बनाउने बारेमा छलफल भएको छ । यो छलफलले समितिका सभापतिहरुले काम गर्न भएका अफ्ठ्यारोहरु राख्नुभएको छ । नीतिगत समस्या समाधान गरेर अघि बढ्ने छलफल भयो । कोरम नपुग्ने समस्या हाम्रो समितिमा छ । ५१ प्रतिशत पुग्न कठिनाइ भइरहेको, सभा हल सानो रहेको बारेमा कुरा राखेको छु ।’
सभापति यादवले विज्ञ उपलब्ध गराइदिनेबारेमा सभामुखसँग कुरा राखेको बताउनु भयो । समस्याहरु सहज रुपमा अघि बढाउनेबारेमा सभामुख घिमिरेले पहल गर्ने प्रतिवद्धता जनाउनुभएको बताउनु भयो ।
