काठमाडौं । राष्ट्रिय परीक्षा बोर्डले यसवर्षको माध्यमिक शिक्षा परीक्षा (एसईई) को नतिजा शुक्रबार साँझ साढे ५ बजे प्रकाशित गर्ने भएको छ ।
शुक्रबार साँझ साढे ५ बजे एसईई नतिजा सार्वजनिक गर्ने परीक्षा बोर्डका अध्यक्ष डा महाश्रम शर्माले बताए । उनले भने ‘आजै पहिलो चरणको बोर्ड बैठक सकिएको छ । अर्को बैठक अपराह्न चार बजे अर्को बैठक बसेर साढे ५ बजे नतिजा सार्वजनिक हुन्छ’ ।
२०८१ को एसईई परीक्षा ७ चैतदेखि सञ्चालन भएको परीक्षामा नियमिततर्फ ४ लाख ३१ हजार ४६६ र ग्रेड वृद्धितर्फ ६७ हजार ७१५ गरी जम्मा ४ लाख ९९ हजार १८३ विद्यार्थी सहभागी भएको परीक्षा बोर्डले जनाएको छ ।
