काठमाडौँ । नेकपा एमालेका प्रमुख सचेतक महेश बर्तौलाले संसदमा पेश भएको विधेयकका विषयमा राजनीति गर्न खोज्नु खेदजनक भएको टिप्पणी गर्नुभएको छ ।
बिहीवार संसद भवन परिसरमा सञ्चारकर्मीसँग कुरा गर्दै प्रमुख सचेतक वर्तौलाले समितिले चारदिन अघि सदमा पेश गरेको प्रतिवेदनमा जालझेल, षड्यन्त्र र आशंका कसैले पाल्नुपर्ने अवस्था नरहेको स्पष्ट पार्नुभयो । संविधान बमोजिम विनियोजन विधेयक रोक्न नसकिने अवस्थामा संसद चलेको स्पष्ट पार्दै विनियोजन विधेयकसँगै अन्य महत्वपूर्ण विधेयकहरु समयसीमाभित्रै पारित गर्नुपर्ने बाध्यात्मक अवस्था रहेको बताउनु भयो । उहाँले प्रमुख प्रतिपक्षी दलको चाहना भनेको सत्तापक्ष र विपक्षी दलहरुबीचमा घमासान भइरहोस् र नियमित विधेयकमा छलफल चलाएर फेरि पनि सभामुख र सरकारले जबरजस्ती ग¥यो भनेर टिप्पणी गर्न चाहिरहेको आरोप लगाउनु भयो ।
उहाँले भन्नुभयो, ‘म स्पष्ट शब्दमा भन्न चाहन्छु, समितिले चार दिनअघि सदनमा प्रतिवेदन ल्याएको छ । यसमा कुनै षड्यन्त्र, यसमा कुनै जालझेल, यसमा कुनै आशंका कसैले पाल्नुपर्ने र जालझेल षड्यन्त्र छ भन्नुपर्ने अवस्था छैन । सरकारले किन राख्नुप¥यो । सरकारको आफ्नो विधेयक जति भन्दा जति छिटो पारित गर्दा महत्वपूर्ण विधेयक पारित भयो भन्ने महत्वपूर्ण विषय हो । यसतर्फ राजनीति गर्न खोज्नु भयो त्यो राम्रो भएन । संसदको न्यूनतम अभ्यास जे छ, विधेयकहरु कसरी आउँछ ? कसरी छलफलमा जान्छ ? कसरी निष्कर्षमा पुग्छ ? विभागीय मन्त्री अगाडी नआउँदा विधेयक अगाडि जान्छ कि जाँदैन । म यति कुरा भन्न चाहन्छु, चार दिन अगाडि संसदमा प्रतिवेदन आएको छ । हामी सबैले अध्ययन गरेका छौं । असार १५ गते अगाडि नै विभागीय मन्त्रीसँग संसद सचिवालयले समन्वय गर्छ र उपयुक्त दिनमा त्यो पारित हुन्छ । अर्को चाहना के हो भने यसमा प्रमुख प्रतिपक्षी दललगायत विपक्षी दलहरुले बुझ्नुपर्छ ।
अहिले रास्वपाले संसदमा विरोध गरिरहनुभएको छ । विरोधका बाबजूद पनि संविधान वमोजिम विनियोजन विधेयक रोक्न सक्दैनौं । संविधान वमोजिमको काम गर्न सहमति भएपनि रोक्न मिल्दैन । यही विधेयकमा काम गरेका राजनीतिक दलहरुले विरोध राख्दै गर्दा यसलाई अगाडि बढाउने कि नबढाउने भन्ने कुरा रह्यो । त्यसकारण दुइ चार दिनपछि विरोधका कार्यक्रमहरु अवतरित हुने अवस्था बन्छ र उहाँहरु स्वयंले पनि यो विधेयकमा गरेको मिहिनेत सरकारले गरेका पहलकदमीमा धन्यवाद दिनुहुन्छ ।
हामी त्यही कुरा प्रतिक्षा गरिरहेका छौं । तर, प्रमुख प्रतिपक्षी दलको चाहना भनेको सत्ता पक्ष र अरु विपक्षी दलहरुका बीचमा पनि निकै ठूलो घमासान भैरहोस् हरेक विषयमा । भित्र नियमित विधेयकमा पनि छलफल चलाएर फेरि पनि जबरजस्ती ग¥यो सभामुखले, सरकारले भनेर टिप्पणी गर्न पाइयोस भनेर प्रमुख प्रतिपक्षले चाहिरहेको हो कि भन्ने आशंका छ । त्यतातर्फ हामीलाई रुची छैन । यो विधेयकलाई छिटो अगाडि बढाएर पारित गर्नुपर्छ भन्ने ठाउँमा छौं र यसलाई प्रभावकारी समन्वय गरिरहेका छौं ।’
प्रतिपक्षको चाहनाप्रति रुची नभएको भन्दै प्रमुख सचेतक बर्तौलाले विधेयकलाई छिटो अगाडि बढाएर पारित गर्नुपर्छ भन्ने आफूहरुको चाहना रहेको स्पष्ट पार्नुभयो ।
